Daytoy Ti Addaan Panggep a Panagbiag ket tulungannaka a mangawat iti nakaskasdaaw a plano ti Dios para kenka ditoy daga ket iti agnanayon. Igiyanaka ni Rick Warren iti entero a 40 nga Aldaw a naespirituan a panagdaliasat a mangtulong kenka a mangsungbat iti saludsod nga, "Ania ti panggep ti kaaddak ditoy daga?" Adu ti maadalmo iti tunggal aldaw maipapan iti naidumduma a panangaramid ti Dios kenka para iti panggep a sika laeng ti makatungpal.
Idiaya daytoy Ti Addaan Panggep a Panagbiag ti kinasirib a nagtaud iti Biblia a mangisuro kenka nu apay a napateg dayta biagmo. Ipakitana ti tarigagay ti Dios a tumulong kenka tapno mabang-aranka manipud iti pakautuyam, maitutokmo ti pigsam, mapasimplem dagiti panagdesisionmo, ken makapagsaganaka para iti agnanayon. Mensahe daytoy a para iti amin a panawen a mangparegta ken mangmotibar kenka nga agbiag iti addaan kinapateg a panagbiag.
Ni RICK WARREN ti nangipundar a pastor iti Iglesia ti Saddleback idiay Abagatan ti California nga addaan kadagiti kampus kadagiti dadakkel a siudad iti entero a lubong. Isuna ti nangisurat iti Ti Addaan Panggep a Panagbiag, a naipatarusen iti adu a lengguahe ken nailakon ti nasurok 50 a milion a kopiana iti amin a pormat.
